Се поедноставува процедурата за увоз на производи од животинско потекло

Од 1 јануари идната година документи за увоз на производи од животинско потекло ќе се вадат на граничните премини, а не како досега во Ветеринарната управа.

Оваа новина е се уште во фаза на тестирање, но по воведувањето значително ќе ја поедностави и скрати процедурата која траеше до еден месец.

Нема веќе да се издаваат решенија. Наместо тоа, фирмите на граничните премини, со доставување на ветеринарниот сертификат за пратката што сакаат да ја увезат, ќе добијат влезен документ.

Управата обврзно ќе ја контролира документацијата по увозот на местото каде што ќе биде истоварена пратката.